Sjómannadagurinn
Ein stærsta hátíð sumarsins í Fjarðabyggð
Sjómannadagurinn er haldinn hátíðlegur annan sunnudaginn í júní þetta árið og er með stærri bæjarhátíðum í Fjarðabyggð. Deginum er fagnað i öllum bæjarkjörnum. Stærstu hátíðirnar eru þó jafnan á Eskifirði og á Norðfirði, þar sem hátíðardagskráin hefst á miðvikudeginum eða fimmtudeginum fyrir sjómannadag.
Í boði er fjöldi viðburða sem spanna allt frá sjósundi og hópsiglingum að tónlistarviðburðum og spennandi tilboðum í verslunum og veitingahúsum.
Óhætt er að mæla með sjómannadeginum í Fjarðabyggð sem fjölbreyttri og viðburðaríkri skemmtun fyrir alla fjölskylduna.