Gallerí Kolfreyja
Úrvals handverk og listiðnaður
Að Gallerí Kolfreyju stendur samfélag handverksfólks á Fáskrúðsfirði. Kolfreyjur eru hátt í þrjátíu talsins og er úrvalið að sama skapi fjölbreytt af vönduðu handverki og listmunum. Frumleg hönnun og skemmtilegar útfærslur einkenna handverkið sem spannar allt frá handgerðum minjagripum að prjóni, silfursmíði og ljósaseríum svo að fátt eitt sé nefnt. Nafnið sækir galleríið til tröllskessunnar Kolfreyju sem herjaði á öldum áður á Fáskrúðsfirðinga og herjar að sumra mati enn.
Galleríið er staðsett í Tanga, virðulegu verslunarhúsi sem Carl D. Tulinius reisti árið 1895. Húsið hefur verið í eigu Kaupfélags Fáskrúðsfirðinga, KFFB, frá árinu 1933 og hefur nú endurheimt fyrri glæsileika fyrir atbeina þess. Auk þess sem byggingin hefur verið gerð upp frá grunni, hefur aðalhæðin verið færð í upprunalegt horf og er í heild sinni opin almenningi.
Upplýsingar
Heimilisfang | Tanga Hafnargötu 17 |
---|---|
Staður | 750 Fáskrúðsfjörður |
Netfang | gallerikolfreyja@gmail.com |
Sími | +354 852 2288 |
Vefur | Sjá vefsíðu |