Það verður sannkölluð fjölskyldu stemmning í Fjarðabyggð alla páskana þegar hin árlega útvistarhátíð Páskafjör fer fram. Á páskafjöri geta allir fundið eitthvað við sitt hæfi.  

Á skíðasvæðinu í Oddsskarði verður þétt dagskrá alla páskana þar sem meðal annars verður boðið uppá Páskaeggjamót, björgunarbátarallý og flugeldasýningu svo fátt eitt sé nefnt. Hvað er betra en að skella sér á skíði í mögnuðu umhverfi á einu besta skíðasvæði á landinu? 

Auk þess að njóta útiverunar á skíðum verður að sjálfsögðu hægt að gera ýmislegt annað. Tónleikar, dansleikir, og viðburðir á vegum Ferðafélags Fjarðamanna eru meðal þess sem boðið verður uppá. Hægt verður að skella sér í sund, og njóta alls þess sem Fjarðabyggð hefur uppá bjóða.