Eskifjörður
Þéttbýlið er við Eskifjörð sem gengur inn úr norðurströnd Reyðarfjarðar og er byggðin með ströndinni við norðanverðan fjörðinn. Eskifjörður var mikill verslunarstaður fyrr á öldum og fékk fyrst kaupstaðarréttindi árið 1786. Verslun hefur verið þar samfleytt frá árinu 1798, þegar danska verslunarfyrirtækið Örum og Wulff hóf starfsemi hér á landi og reisti fyrsta verslunarhúsið í Útkaupstað. Árið 1801 voru íbúar staðarins 21. Embætti sýslumanns Suður-Múlasýslu var flutt til Eskifjarðar árið 1853. Í dag er Lögreglustjórinn á Austurlandi staðsettur á Eskifirði. Veruleg íbúafjölgun hófst fyrst á Eskifirði í tengslun við síldveiðar Norðmanna á Austfjörðum, á seinni hluta 19. aldar, og var íbúatalan komin í 228 árið 1902. Þann 1. janúar 1988 sameinuðust Eskifjarðarkaupstaður og Helgustaðarhreppur og árið 1990 var íbúatala sveitarfélagsins 1.100 íbúar. Í dag búa um 1.060 manns á Eskifirði.
Sjávarútvegur og fiskvinnsla er aðalatvinnuvegur íbúa Eskifjarðar og þar er eitt af stærrri sjávarútvegsfyrirtækjum landsins, Eskja hf. Þar er lykilembætti löggæslu á Austurlandi.
Skíðasvæðið í Oddsskarði
Eitt besta skíðasvæði landsins.
Sjá nánarViðfjörður og Vöðlavík
Jeppaslóði í eyðivík og eyðifjörð.
Sjá nánarHólmatindur
Bæjarfjall Eskfirðinga.
Sjá nánarHólmanes fólkvangur og friðland
Sannkölluð útivistarparadís við þjóðveginum.
Sjá nánarVöðlavík
Stórbrotin eyðivík við austasta horn landsins.
Sjá nánarVölvuleiðið
Leiði völvunnar sem verndað hefur Reyðarfjörð og Eskifjörð.
Sjá nánar