Dahlshús er gamalt sjóhús, reist af Jóhanni Dahl, síldarútgerðarmanni, sem kom með húsið frá Noregi árið 1880. Útgerðarævintýri Dahls á Eskifirði lauk árið 1883 og hefur Dahlshús gegnt ólíkum hlutverkum síðan þá sem bæði fiskverkunarhús og sláturhús, svo að dæmi séu nefnd.

Húsið hefur verið fært í upprunalegt horf og hafa sýningar eftir landsþekkta listamenn verið settar upp í sýningarsal þess eftir að það opnaði sumarið 2013.

Húsið er 90 m2 að grunnfleti. Það er í eigu Jens Garðars Helgasonar, athafnamanns og formanns bæjarráðs Fjarðabyggðar.