Kaffihúsið Nesbær í Neskaupstað gengst fyrir reglubundnum myndlistarsýningum. Áhersla er lögð á listamenn frá Norðfirði og nágrenni. Einnig er til sölu handverk og listmunir eftir heimamenn. Nesbær er miðsvæðis í Neskaupstað og hefur löngum verið vinsælt að koma þar við og njóta góðra kaffiveitinga með listrænu ívafi. Þá er í Nesbæ einnig rekin blómaverslun.