Steinasafn Petru er stórt og glæsilegt steinasafn í einkaeigu. Stofnandi þess, Petra Sveinsdóttir, safnaði steinum í fjöllunum við Stöðvarfjörð frá barnæsku og í áranna rás bættist mikið við safnið. Nú fyllir safnið og minjagripasalan húsið hennar Petru og garðinn, sem orðinn er hluti af safninu. 

Steinasafn Petru er stærsta steinasafn sinnar tegundar í Evrópu og jafnvel víðar. Safnið er einn vinsælasti áfangastaður ferðamanna á Austurlandi og tekur safnið á móti 40 til 50 þúsund gestum á ári.

Safnið endurspeglar vel jarðfræðilega sérstöðu Austurlands sem eins elsta hluta landsins. 

Safnið er opið alla daga kl. 10:00 - 17:00 á sumrin frá 1.júní til 30.september. 

Sjá opnunartíma safna í Fjarðabyggð