Café Saxa
Með útsýni yfir hafið og fjöllin
Café Saxa er við hliðina á höfninni á Stöðvarfirði. Einstaklega vel staðsettur, býður staðurinn upp á útsýni yfir hafið og Súlur, bæjarfjall Stöðvarfjarðar. Á matseðlinum eru dýrindis kökur og smáréttir ásamt heimilismat sem bragð er af. Einnig er gjaldfrjáls aðgangur að þráðlausu neti.
Café Saxa er á jarðhæð gistiheimilisins Söxu. Staðurinn dregur nafn sitt af sjávarhvernum Söxu, sem er skammt utan við þéttbýlið á Stöðvarfirði. Starfsemin er til húsa í gamla kaupfélagshúsi staðarins, sem hefur með smekklegum hætti verið lagað að alveg nýju hlutverki.
Í innan við 50 metra fjarlægð má finna Gallery Snærós og Salthússmarkaðinn sem opinn er yfir sumartímann, einn stærsta handverksmarkað Fjarðabyggðar. Egilsstaðir eru í 50 mínútna akstursfjarlægð og Breiðdalsvík er í 15 mínútna akstursfjarlægð.
Upplýsingar
Heimilisfang | Fjarðarbraut 41 |
---|---|
Staður | 755 Stöðvarfjörður |
Netfang | saxa@saxa.is |
Sími | +354 511 3055 |