Gönguvikan Á fætur í Fjarðabyggð verður haldinn dagana 19. - 26. júní 2021. Gönguvikan er með stærstu útivistarviðburðum ársins. Í boði eru á fimmta tug viðburða þá viku, bæði gönguferðir og skemmtanir, en vikan er ekki síður skilgreind sem gleðivika.
Gönguvikan Á fætur í Fjarðabyggð 2021
19.06.2021 - 25.06.2021
21.05.2021
Áhersla er lögð á fjölbreyttar gönguleiðir við allra hæfi, s.s. fjölskyldugöngur, sögugöngur og göngur fyrir alvöru fjallagarpa og á kvöldin er brugðið á leik með kvöldvökum og sjóræningjapartíum.
Vikan stendur frá laugardegi til laugardags og fyllir því átta heila daga af fjölbreyttum viðburðum og frábærri útivist. Skipuleggjendur eru Ferðafélag Fjarðamanna í samstarfi við Ferðaþjónustuna Mjóeyri.
Gönguleiðarkorti og dagskrá er dreift um allt Austurland.
Nánari upplýsingar má finna á Facebookarsíðu gönguvikunnar með því að smella hér.